Ndotja e ajrit, miratohet plani për vitin 2019

Ndotja e lartë e ajrit në vend ka shtyrë Qeverinë të miratoj një plan të ri për ajër të pastër. Sfidat kundër ndotjes për këtë vit, sipas programit të tyre, do të jenë në ballafaqimin me shkaqet e ndotjes, ngritjen e vetëdijes publike dhe ndryshimet në sistemin energjetik. Zëdhënësi i Qeverisë, Mile Boshkanjkovski tha se për këtë qëllim janë ndarë 2 milion euro, me të cilat është paraparë që cilësia e ajrit 2 vitet e ardhshme të përmirësohet për 50%.
Nga Qeveria theksojnw se gjendja alarmante nga ndotja e ajrit do të aktivizojë masat kundër ndotjes nëse dy ditë me radhë niveli i PM grimcave do të kaloj pragun prej 200 mg/m3. Nga Shoqatat ekologjike thonë se këto masa për ajër të pastër duhet të zbatohen menjëherë.
Sipas planit për veprimin e uljes së ndotjes së ajrit për këtë vit, janë përfshirë edhe nismat e tri organizatave qytetare, të cilat kanë të bëjnë me krijimin e një Ueb-faqe të veçantë, ku do të paraqiten masat që duhet t’i zbatojnë institucionet shëndetësore dhe të instalimit të filtrave në ndërmarrjet e vogla dhe të mesme, tek ato që merren me veprimtarinë e drurit.

Lëvizja Eco Guerilla akuzon Qeverinë e Maqedonisë për ndotje të Tetovës

Tetovë, 23 janar – Lëvizja Eco Guerilla nga Tetova ka reaguar përmes një komunikate për opinionin “për joseriozitetin” e Qeverisë së Maqedonisë, e cila dje paraqiti planin strategjik për zhvillimin e infrastukturës rrugore, me të cilin anashkalohet Tetova.
Segmentet rrugore me frekuencë më të madhe qarkullimi në Maqedoni janë Tetovë-Gostivar (rreth 12.000 automjete në ditë) dhe Tetovë-Shkup (rreth 11.000 automjete në ditë). Për të qarkulluar prej këtyre dy segmenteve në rrugën Tetovë-Jazhincë (që ka qarkullim rreth 8.000 automjete në ditë) duhet të hyhet brenda qytetit të Tetovës. Me këtë shkaktohet ndotje dhe kaos i trafikut. Qeveria as në planin për vitin 2019, as në planin strategjik 2019-2030 nuk ka paraparë ndërtimin e qarkores për të lidhur këto rrugë, thekson kjo Lëvizje.
Kërkojmë urgjentisht nga Qeveria të rishikojë planin dhe të ndërtojë qarkoren që do ndikojë dukshëm në ndotjen e ajrit në Tetovë, thuhet në reagim.

Oxhaku i deponisë “Drislla” (Video)

Qyteti i Shkupit vazhdon të prek majën e listës botërore me ndotje të ajrit. Tre ditët e fundit, matjet në Shkup tregojnë 376 mikrogram grimca kancerogjene për metër kub, shifër kjo e cila është e mjaftueshme që kryeqyteti të rangohet në vendin e parë në nivel botëror. Megjithë masat e marra nga Qeveria, ndotja si duket nuk ndalet. Në redaksinë e gazetës KOHA së fundmi ka arritur një video nga ndotja që shkakton “Drislla” e Shkupit, ndërsa shihen oxhaqet që nxjerrin tym të zi. Qytetarët në komente të shumta në rrjetet sociale akuzojnë se pikërisht “Drislla” është njëra nga ndotësit më të mëdhenj në vend.

Drislla në Shkup

Qyteti i Shkupit vazhdon të prek majën e listës botërore me ndotje të ajrit. Tre ditët e fundit, matjet në Shkup tregojnë 376 mikrogram grimca kancerogjene për metër kub, shifër kjo e cila është e mjaftueshme që kryeqyteti të rangohet në vendin e parë në nivel botëror. Megjithë masat e marra nga Qeveria, ndotja si duket nuk ndalet. Në redaksinë e gazetës KOHA së fundmi ka arritur një video nga ndotja që shkakton “Drislla” e Shkupit, ndërsa shihen oxhaqet që nxjerrin tym të zi. Qytetarët në komente të shumta në rrjetet sociale akuzojnë se pikërisht “Drislla” është njëra nga ndotësit më të mëdhenj në vend.

Publiée par KOHA sur Mardi 22 janvier 2019

Pastrues të ajrit në të gjitha klasat në 23 shkolla në Shkup

Në çdo klasë nga 23 shkollat e mesme të Shkupit muajin e kaluar është vendosur pastrues i ajrit, përkatësisht gjithsej 572, për çka Qyteti i Shkupit ka investuar rreth 11 milion denarë.

“Duke u nisur nga fakti se nxënësit kalojnë rreth një të tretën e ditës në hapësirat shkollore dhe se ajo popullatë e re është forcë lëvizëse e shoqërisë, Qyteti i furnizoi pastruesit e ajrit. Nxënësit e shkollave të mesme meritojnë të mësojnë në kushte më të mira dhe për atë investohet në çdo segment të arsimit të tyre, krijohen mundësi për funksionim të pandërprerë në sistemin shkollor dhe krijohen kushte për përparim të cilësisë së procesit arsimor. Qyteti i Shkupit është njësia e vetme e vetëqeverisjes lokale e cila ka siguruar pastrues të ajrit në çdo shkollë të saj dhe për çdo nxënës të shkollës së mesme”, kumtoi Qyteti i Shkupit në vigjilje të fillimit të gjysmëvjetorit të dytë të vitit shkollor 2018/2019.

Masa dhe rekomandime të Qeverisë për shkak të ndotjes alarmante

Shkup, 20 janar – Pas njoftimit të marrë nga Ministria e Mjedisit Jetësor se në dy ditët e fundit është tejkaluar pragu i alarmimit të grimcave të pezulluara me madhësi deri në 10 mikrometra (a.q. tejkalim i vlerës prej 188 mikrogram në metër kub) në Manastir, Tetovë, Strumicë dhe Shkup, Qeveria kumtoi se hyn në fuqi masa dhe rekomandime për zbatimin e të cilave i obligon ministritë dhe institucionet kompetente.

MMJPH dhe Ministria e Shëndetësisë obligohen t’u rekomandojnë të gjitha subjekteve juridike (punëdhënës) t’i lirojnë nga obligimet e punës, gratë shtatzëna, personat më të moshuar se 60 vjet, personat me astmë kronike, me infarkt të prekur nga miokardi ose sulm në tru pa dallim të moshës, me rekomandim të mjekut amë.

T’u rekomandojnë punëdhënësve ta riorganizojnë orarin e punës dhe personat të cilët punojnë në vend të hapur të punojnë nga ora 11:00 deri në orën 17:00, të mos organizohen gara sportive dhe manifestime tjera kulturore në vende të hapura dhe të sigurohen kushte për aktivitet të rritur të shërbimeve për ndihmë të shpejtë mjekësore, vizitë shtëpiake dhe shërbim patronazh.

Qeveria është e obliguar t’u rekomandojë të gjitha organeve të drejtorisë shtetërore, agjencitë, fondet, byrotë, entet, ndërmarrjet publike dhe shoqatat aksionare në pronësi shtetërore, si dhe njësitë e vetëqeverisjes lokale ta zvogëlojnë deri në 50 për qind përdorimin e automjeteve zyrtare dhe të sigurojë kufizim të punëve të objekteve ndërtimore.

Ministria e Punës dhe Politikës Sociale, në bashkëpunim me Kryqin e Kuq dhe shtëpitë shëndetësore t’u sigurojnë vendstrehim për akomodim të pastrehëve dhe të organizojnë vizita për mbështetje të personave të moshuar ose vetmuar.

Njësitë e vetëqeverisjes lokale obligohet t’i zbatojnë masat e shënuara në planet afatshkurte ose masat afatshkurte të sjellura në këshillat e komunave.

Janë prezantuar masat e Programit për uljen e ndotjes së ajrit

Shkup, 16 janar – Menaxhimi i drejtpërdrejtë me burimet e ndotjes, krijimin e vetëdijes publike, nga mosha parashkollore e deri te ajo e pensionit, ndryshime në ligjet të cilat janë të nevojshme dhe zbatimi i Platformës për koordinim dhe ndjekje të realizimit të programit. Këto janë katër komponentët në të cilat bazohet Programi për uljen e ndotjes së ajrit.

Këtë sot e tha zëvendësministri i Mjedisit Jetësor dhe Planifikimit Hapësinor Jani Makraduli në Qeveri ku u mbajt dita e katërt nga vargu i ditëve të hapura për iniciativa të organizatave qytetare, që ka të bëjë me “Planin për ajër të pastër” për vitin 2019 dhe korniza e tij kohore për zbatim.

“Qëllimi i Programit në vitin 2019 është se si të arrijmë sa më shumë shfrytëzues të cilët nuk do të ndotin ajrin. Qytetarët, një pjesë e madhe e tyre, nuk dëshirojnë të ndotin ajrin, por për fat të keq statusi social është ashtu si është, ndërsa detyra jonë është se si të ofrojmë alternativë dhe kjo është detyrë e Programit për uljen e ndotjes së ajrit”, tha Makraduli.

Ai informon se gjatë këtij viti do të realizojnë dy aktivitetet e para. Kjo është kyçja e konviktit të studentëve “Kuzman Josifovski-Pitu” në Shkup në operatorin e ngrohjes. Për momentin aty ka 490 studentë, ndërsa ngrohja është me mazut dhe në periudhën e dimrit shpenzohen 230 tonë. Në nivel vjetor ka shpenzime prej 7,1 milionë denarë, prej të cilave pesë milionë i mbulon shteti. Me kyçjen në operatorin e ngrohjes shpenzimet, siç tha, do të ulen për rreth 5,3 milionë denarë.

Aktiviteti i dytë është koncepti “Gjethi i gjelbër-ajri i pastër”. Bëhet fjalë për iniciativë të Fakultetit të Shkencave Bujqësore dhe Ushqimit dhe Fakultetit të Pylltarisë në Shkup në secilën komunë të Shkupit, gjegjësisht në një shkollë fillore dhe një çerdhe, të krijohet park nga studentët. Aty të mbillen fidanë të cilët janë autoktonë dhe prodhohen në Maqedoni, në kampusin e tyre i cili është 63 hektarë.

Shefi i kabinetit të kryetarit të Qytetit të Shkupit Nikolla Naumovski iu referua aktiviteteve të cilat i ndërmerr Inspektorati i tyre, në gjelbërimin, ngrohjen e shtëpive dhe transportit.

Naumovski kumtoi se në periudhën e kaluar NQP “Shkupi” duhet të shpallë tender për furnizim të 40 autobusëve ekologjikë me gaz. Pjesa më e madhe e tyre, siç tha, do të jenë me dy pjesë në vend se me dy kate dhe do të transportojnë më shumë pasagjerë.

Paralajmëroi se këtë pranverë do të hapet park i ri pas Filarmonisë së Maqedonisë dhe në një pjesë të çatisë së Qendrës Tregtare të Qytetit.

Në Qeveri morën pjesë edhe pjesëtarë të më shumë organizatave joqeveritare, si “Eko-vetëdije”, “Gou grin”, “Griner”, “Eko skop” dhe “Eko guerila” nga Tetova, të cilët kishin prezantimet e tyre. Shfaqën kënaqësi që po punohet në këtë temë dhe kërkuan që kompetentët të gjejnë mënyrë dhe t’iu ndihmojnë ndërmarrjeve të vogla që ta ndryshojnë mënyrën e ngrohjes, të punohet në ndryshimet klimatike, të sigurohen vendbanime montuese për familjet të cilat punojnë në kushte të këqija në lagjet e Shkupit… “Eko guerila” propozon që t’iu ndihmohet ndërmarrjeve të rajonit të Pollogut, të cilët prodhojnë mobilie. Sipas tyre, ata e ndotin ajrin me atë që ngrohen me materialet që iu mbesin nga puna e tyre dhe është e nevojshme që të vendosin filtra. Vlerësojnë se është e nevojshme që të hapet ndërmarrje e cila do të prodhonte filtra në Maqedoni që të mos importojnë nga vende të tjera.

Rekomandime për mbrojtje të shëndetit nga moti i ftohtë

Shkup, 15 janar – Rregullisht të merret terapia e përshkruar dhe në rast të ftohjes dhe vështirësive në frymëmarrje të bëhet konsultim me mjekun amë, të pihen pije të ngrohta, të shmanget alkooli, të konsumohet ushqim i mjaftueshëm, pasi kjo e mban temperaturën e trupit, e të pavaksinuarit të vaksinohen kundër gripit sezonal, posaçërisht ata të moshës mbi 60-vjeçare dhe të sëmurit kronikë. Këto janë pjesë e rekomandimeve për mbrojtje të shëndetit të popullatës nga valët e ftohta dhe moti i ftohtë në periudhën e dimrit, në pajtim me Planin aksional për parandalim të ndikimit të tij të dëmshëm mbi shëndetin, që e ka përgatitur Ministria e Shëndetësisë.

Pacientët që kanë porobleme me zemrën ose mushkërinjtë e bardha duhet rregullisht ta marrin terapinë e përshkruar, të shmangin stërvitje të rënda në temperatura të ulëta, të veshen në mënyrë adekuate dhe t’i mbrojnë kokën, pëllëmbët dhe shputat. Diabetikët, megjithatë, pëllëmbët dhe shputat e të cilëve mund më lehtë të lëndohen ose gjatë kushteve ekstreme të pësojnë nga ngrirja, duhet të kudjesen që t’u mbeten të ngrohura, ndërsa ata me artritis, duhet rregullisht të marrin terapi dhe t’i ngrohin kyçet e lënduara.

Në rast të temperaturave eksrem të ulëta duhet të shmanget aktivitet fizik në ambient të hapur, të mbahet veshje e trashë dhe këpucë, çizme adekuate për borë dhe akull, të ketë kujdes në sipërfaqe rrëshqitëse, të shmanget dalje jashtë, përveç nëse është e domosdoshme dhe sa më shumë të bëhen lëvizje në hapësira të mbyllura.

Në telefonin falas 15505 mund të paraqitet person në rrezik prej motit të ftohtë (i pastrehë, fëmijë në rrugë…)
Potencohet se të gjitha institucionet shëndetësore publike kanë përgatitur plan për veprim, numër të ekipeve dhe protokoll për funksionim dhe veprim në kushte të motit me borë dhe temperatura të ulëta.

Për tetë vjet 183 mijë qytetarë shqiptarë kanë kërkuar azil në vendet e BE-së

167 mijë qytetarë shqiptarë kanë kërkuar azil në një prej vendeve anëtare të Bashkimit Evropian në periudhën 2011/2017, ka publikuar Eurostad. në njëmbëdhjetë muajt e vitit, megjithatë, azil kanë kërkuar 16 mijë qytetarë shqiptarë, me çka numri i përgjithshëm i aplikacioneve ka arritur në 183 mijë. Numri prej 167 mijëve është vetëm 53 për qind e atyre që gjatë kësaj periudhe kanë emigruar nga vendi. Sipas Institutit shqipëtar të statistikave nga vendi janë larguar 317 mijë persona. Numri më i madh i personave që kanë kërkuar azil është regjistruar në vitin 2015 ose 68,900, pas çka vërehet ulje e numrit të aplikuesve. në vitin 2016 për marrjen e statusit të azilantit kanë aplikuar 32.900, ndërsa në vitin 2017 rreth 26 mijë qytetarë shqiptarë. Shumica e aplikacioneve për azil në periudhën e raportuar janë në Gjermni ose 90.335 aplikacione. Në vendin e dytë sipas numrit të kërkuesve të azilit është Franca me 40.615 aplikacione, ndërsa menjëherë pas saj është Britania e Madhe me 12.455, pas çka vijnë Suedia dhe Greqia, me 9.310 gjegjësisht 9.200 aplikacione.

Ligji i posaçëm për qentë endacak

Shkup, 6 nëntor 2018 – Qeveria e Republikës së Maqedonisë në seancën e 101-të ka iniciuar ndryshime në Ligjin për mbrojtje shëndetësore dhe mirëqenien e kafshëve.
Ministria e Bujqësisë, Pylltarisë dhe Ekonomisë së Ujërave është angazhuar bashkë me Agjencinë për Ushqim dhe Veterinari me Bashkësinë e Njësive për Vetëqeverisje Lokale të Maqedonisë (BNJVL) dhe në bashkëpunim me Shoqatat qytetare për të drejtat e kafshëve, në periudhë të shkurtër të përgatis ndryshime ligjore që të tejkalohet problemi me qentë endacakë

Shpenzimet e qytetarëve të Maqedonisë gjatë vitit 2018

Për qytetarët e Maqedonisë viti 2018 ka qenë për 1.5% më e shtrenjtë se viti 2017. Në vitin 2018, në krahasim me vitin 2017 ka qenë më shtrenjtë për qytetarët për 1.5% Sipas të dhënave të Entit të statistikave indeksi i shpenzimeve jetësore shënon rritje prej 1.5%, ndërsa indeksi i çmimeve me pakicë shënon rritje prej 2.7%. Rritje të indekseve vërehet në grupet: Transport për 7.5 %, Pijet alkoolike, duhani dhe narkotikët për 5.5 %, Rekreacioni dhe kultura për 2.4 %, Restorantet dhe hotelet për 1.9 %, Ushqimi dhe pijet joalkoolike, Mobilje, pajisjet shtëpiake dhe mirëmbajtja e pajisjeve shtëpiake për 0.8 %, Shëndeti dhe komunikimet për 0.7 %, Mallrat dhe shërbimet tjera për 0.5 %. Ulje e indekseve është vërejtur në grupet: Veshmbathje për 0.4 % dhe Arsim për 0.1 %. Grupi i banimit, ujit, energjisë elektrike, gazi dhe derivatet tjera është në nivel me atë të vitit të kaluar. Lëvizja e indeksit të çmimeve me pakicë, në vitin 2018, gjithashtu ka qenë i ndryshëm sipas grupeve të veçanta të prodhimeve. Rritje të indekseve është vërejtur në grupet: Shërbimet për 3.7 %, Prodhimet bujqësore për 3.6 %, Prodhimet industriale joushqimore dhe duhani për 2.5 %, Prodhimet industriale ushqimore për 0.8 %. Grupi i pijeve është në nivel me vitin paraprak.
Burimi: Enti shtetëror i statistikave