Shkupi dhe krimet në numra

Loading...

Loading…

Ajri i ndotur, maska mbrojtëse për të sëmurit kronik do të sigurohen dimrin e ardhshëm!

Shkup, 30 janar – Maskat mbrojtëse të cilat disa herë janë paralajmëruar nga Ministria e shëndetësisë të personat me sëmundje kronike do të mund ti përdorin dimrin e ardhshëm, pasi që Ministria e Shëndetësisë tani (më 28 janar) e ka shpallur tenderin për blerjen e tyre, bënë të ditur Tv Telma, transmeton platforma investigative “Më afër”.
Duke marrë parasysh se bëhet fjalë për një sasi më të madhe dhe vlerë të furnizimit, ligji parasheh që procedura e tenderimit të zgjatë 45 ditë, dhe duke u bazuar në këtë ajo duhet të përfundon nga mesi i muajit mars kur edhe do të bëhet përzgjedhja e ofertës më të favorshme. Dhe më pas mund të bëhet shpërndarja e tyre, dhe për këtë personat me sëmundje kronike mund ti presin maskat mbrojtëse ka fillimi i muajit prill. Me këtë tender janë paraparë që të blihen 50 mijë maska mbrojtëse nga ndotja e ajrit për persona me sëmundje kronike.
Nga ana tjetër edhe Qeveria ka paralajmëruar masa kundër ndotjes së ajrit nëpërmjet programit për ajër të pastër, për të cilën ka ndarë nga buxheti 2 milion euro. Pjesa më e madhe e parave janë paraparë për subvencione për peleta dhe pastrues të ajrit nëpër shkolla. (Koha – Më afër)

Anketa

 

Cilat tema dëshironi të trajtohen në Koha?

Masat kundër ndotjes
Kualiteti i shërbimeve shëndetësore
Dhuna në familje
Mbrojta e punëtorëve gjatë punës

Në Shkup ndotja e ajrit në nivel të lartë, masa tani për tani vetëm në Strumicë

Në Strumicë prej dje janë në fuqi rekomandimet dhe masat kundër ndotjes, sepse në dy ditët paraprake është tejkaluar pragu i alarmit të PM 10 grimca prej 200 mikrogramë në metër kub.
Ajri është i ndotur edhe në Shkup. Mbrëmë janë vërejtur përqendrime të grimcave PM 10 prej përafërsisht 400 mikrogramë. Në Qendër gjatë natës prej orës 22 përqendrimet kanë qenë mbi 300 duke arritur deri në 398 në orën 22 dhe 356 në orën 23. Pastaj kanë filluar të ulen, ndërsa në mëngjes në orën 08.00 janë matur 51 mikrogramë.
Përqendrime të larta me mbi 300 mikrogramë gjatë natës janë vërejtur edhe në stacionin matës te Rektorari prej mbi 200 mikrogramë në orën 16, derisa në orën 23 kanë arritur 375 mikrogramë në metër kub, ndërsa matja e fundit tregon 81 mikrogramë.
Në stacionin matës në Butel përqendrimi më i lartë është 233 mikrogramë, ndërsa në mëngjesin e sotëm janë 73 mikrogramë në metër kub.
Në Karposh janë regjistruar përqendrime prej 136 deri nl 187 mikrogramë në metër kub.
Që të aktivizohen masat në Shkup duhet të regjistrohen dytë radhazi përqendrime të mesme ditore mbi 188 mikrogramë në dy stacione matëse.
Dje përqendrimet e mesme ditore në Shkup kanë lëvizur prej 152 në Qendër, 170 në Karposh, te Rektorati 191, Milladinoc 156 dhe në Butel 125. Sot përqendrimet e mesme ditore në Shkup lëvizin prej 193 mirkogramë, Karposh 127, te Rektorari 211, Miladinoc 130, Butel 125 mikrogramë.
Mes masave që rekomandohen kur do të tejkalohet pragu i alarmimit, ndërsa të cilat sot janë fuqi në Strumicë janë lirimi nga obligimet ditore të grave shtatzëna, personat më të vjetër se 60 vjet, si dhe personat me astmë kronike, me rekomandim të mjekut amë. organizimi i vendit të punës në ambient të hapur prej orës 11 deri në orën 17.

KOHA – Rezultatet e anketës të publikuar më 4 janar 2019

45% e lexuesve të Koha konsiderojnë se ndjehen të pasigurt në qytetin e tyre, 22% mendojnë se janë të rrezikuar nga qentë endacak ndërsa për 17% ndotja është problemi më i madh. Për 8% problem është transporti në qytet ndërsa 7% konsiderojnë se gazetarët duhet të shkruajnë më shumë për problemet komunale. Sipas kësaj ankete gazetarët e Më Afër Koha kanë bërë kronikat në lidhje me këto tema.

Vidhen dhe dëmtohen kapakët e pusetave në lagjen Serava (FOTO)

Në adresën zyrtare të gazetës KOHA, kanë arritur disa fotografi nga banorët e kësaj lagje, të cilët shprehin brengën e tyre.
Kapakët e pusetave jo rrallë herë janë cak i qytetarëve të pandërgjegjshëm dhe hajnave. Me këtë problematikë një kohe të gjatë ballafaqohen banorët e Seravës, gjegjësisht qytetarët që jetojnë buzë bulevardit “Makedonska Kosovska Brigada”.

Hapja e puseve të kanalizimit dhe atyre të ujësjellësit për banorët e kësaj ane të Shkupit paraqesin rrezik potencial për tu lënduar. Pavarësisht se deri më tani shumë qytetar kanë pësuar lëndime të lehta dhe disa tjerë i kanë dëmtuar vetura e tyre, ata apelojnë për zgjidhjen e problemit në fjalë.
Drejtori i Ndërmarrjes Publike “Ujësjellësi dhe Kanalizimi”, Dushko Veskovski, për gazetën KOHA, thotë se problemi me dëmtimin apo vjedhjen e pusetave është aktual në çdo kohë, gjegjësisht ata mundohen të gjejnë zgjidhje për çdo ankesë.
“Sinqerisht ne nuk mundemi ta luajmë rolin e policit. Kapakët e pusetave vazhdimisht po vidhen. Jem duke e shqyrtuar ankesën në fjalë”, tha drejtori Veskovski.

Bora bllokon fshatin Cërni Vërv (FOTO)

Shkup, 4 janar-Banorët e fshatit Cërni Vërv, Komuna e Studeniçanit, rrethinë e Shkupit, për 24 orë të plota janë të bllokuar nga reshjet e mëdha të borës. Duke alarmuar për gjendjen e rëndë Sabedin Baftijari, nga ky fshat, thotë lartësia e borës ka arritur deri në 120 centimetra, raporton Koha.


“Ju lutemi na ndihmoni. Jemi të bllokuar. Fatmirësisht kemi rrymë. Mirëpo rrugët janë të pa kaluara. Autoritet e Komunës së Studeniçanit i kemi njoftuar dhe jemi duke i pritur të vijnë në ndihmë, por ja që deri më tani ende s’ka asnjë lëvizje”, thotë Bajtijari.
Ndryshe, reshjet e fundit të borës në Maqedoni, kryesisht në viset malor kanë shkaktuar probleme në qarkullimin e shumë qytetarëve.
Kryetari i Komunës së Studenicanit, Azem Sadiku, për gazetën Koha, shprehet se është i njoftuar me situatë dhe se shërbimet e komunës i kanë ndërmarrë të gjitha masat për pastrimin e borës në fshatin Cërni Vër dhe fshatrat tjera.

“Ne jemi duke punuar në pastrimin e borës. Gjatë mbrëmjes së kaluar kemi dërguar disa automjete përkatëse, mirëpo të njëjta ishin të vogla dhe sot është nisur makineri më e madhe për pastrimin e rrugës. Besoj se deri në fund të ditës e gjithë rruga drejtë Cërni Vërit do të jetë e pastër”, tha Sadiku. (meafer.koha.mk)

Shkupi, qyteti me ajrin më të ndotur në botë

Me Indeks për kualitetin e ajrit 217, Shkupi sot në mëngjes ka qenë qyteti më i ndotur në botë. Të dhënat e publikuara në faqen “AirVisual” tregojnë se pas Shkupit gjenden qytetet Lahore e Pakistanit dhe Daka e Bangladeshit, transmeton gazeta Koha.
Sipas stacioneve matëse të Ministrisë së mjedisit jetësor dhe planifikimit hapësinor, sot në mëngjes koncentrim të grimcave të dëmshme PM10 ka në komunën Karposh – 214 mg për një m3. Mbrëmë koncentrimet më të larta janë shënuar në Qendër 371 për m3, ose shtatë herë më lartë se e lejuara. Stacionet matëse Lisiçe dhe Gazi Babë ende nuk punojnë.

Ndotje serioze të ajrit ka edhe në Strumicë dhe Tetovë.